Vedtekter for Vang historielag

§ 1. Medlemskapen er open for alle.

§ 2. Leiinga av laget er 5 av medlemmene, som blir valde på årsmøtet. Alle 4 sokna Øye, Vang, Heensåsen og Høre skal vera representerte her. Leiarvervet bør mest mogeleg gå på omgang mellom sokna. Styret skal koma saman til møte når leiar eller minst 3 av styremedlemmane krev det. Bindande vedtak kan gjerast når minst 3 av medlemmane er til stades, og når vedtaket er samrøystes.

§ 3. Årsmøtet har høgaste rådvelde i laget. Det skal haldast kvart år innan utgangen av februar månad. Dette skal gjerast kjent for medlemmane minst 14 dagar før. Følgjande saker skal takast opp:

A. Årsmelding for siste året

B. Rekneskap (revidert)

C. Val:
Leiar for 1 år, 2 medlemmar valde for 2 år (1. året val på 4 styremedlemmar, 2. året val på 2, men då etter loddtrekning). 2 varamenn/kvinner til styret valde for 1 år.

D. Fastsetje årspengane.

E. Ymse. Dette kan vera saker styret har fått tilsendt minst 14 dagar før møtet, eller saker styret sjølv vil ta opp. Desse sakene bør styret helst ha innstilling på. Drøfte arbeidsplan for komande år.

Røysterett har alle som har betalt årspengane for siste året.

§ 4. Det er naturleg for laget å ha nært samarbeid med Vang kulturutval, Valdres historielag, dei andre historielaga i Valdres og med andre lag og foreiningar som er interesserte i lokalhistorisk arbeid. Når Vang folkebibliotek er bygd ut, kan historielaget har få teke vare på og gjort tilgjengeleg alt som er samla i skrift, tale og biletmateriale.

§ 5. Vedtak om å legga ned Vang historielag kan berre gjerast av eit lovleg innkalla årsmøte. Slikt vedtak kan ikkje gjerast om minst 5 av medlemmane går i mot. Om det blir vedteke å leggje ned laget, skal pengane i lagskassa setjast inn på kapitalkonto i Vang Sparebank. Lukkast det ikkje å få laget i gang att innan 10 år, skal midlane tilfalle Valdres historielag.

§6. Desse vedtektene kan endrast på eit årsmøte, når endringsforslaget er gjort kjent ved innkallinga, og minst 2/3 av medlemmane som er møtte opp går inn for det.