Kakebaking og naturvern

på 71 grader nord

Til jol må det bakast, i sør som i nord.
Kakemenn lagar vi, nett som i fjor.

Så skjer det som skjer kvar ein einaste gong:
Dei øser seg opp som ein oppblåst ballong.

Dei formar seg etter Hr. Petter sitt krav
til "svømmende djur i det Nordlandske hav".

Ja, sume kan likna ein nusseleg sel
som blodsugne nordmenn vil skyta i hel.

Ein mislukka kakemann, baka til jol,
kan kanskje bli brukt til naturvernsymbol?

Så bryt du din kakemann, trygg ved ditt bord.
Og Greenpeace kan dra seg dit pepparen gror!
 

Tilbake

 

 

 

 

 Merknad 1:
Har eg i for mykje bakepulver? Smører eg for tjukt på? Eg er takksam for svar før jul.

Merknad 2:
Petter Dass (1647-1706), prest i Alstahaug. Skreiv m.a. "Nordlands Trompet", som sitatet er henta frå.

Merknad 3:
Greenpeace - militant miljøvernorganisasjon på 1990-talet, nordnorsk uttale "grinpeis".

Oppover