Annonser

Familien Risdal

Foreldra mine kjem frå kommunen. Far min, Arne, er oppvaksen i bygda. Han har sidan 1948 drive gardssag, vore snikkar og tømmermann. Ved sida av dette har det vore fela som har teke mykje av tida hans. Han har heile tida ofra seg for at kommande generasjonar skal få moglegheiter til å vidareføre denne kulturarven. I 1974 vart han med på å "blåse liv" att i denne tradisjonen i midtre del av Gudbrandsdalen. Det var dette som skulle bli ”spira” til Sør-Fron Spelemannslag. Han har også sørgt for at fleire gode spelemenn har vorte ”klekt” ut i Skåbu. I samband med at han fylte 80 år den 10. februar 2003, skreiv eg denne songen:arne Denne kan opnast i f. eks Windows Media Player. Ved sida av dette har han også komponert ein del. Her er ein vals som Heidal Spelmannslag brukte under Landskappleiken på Gjøvik i 2003:

Vals

Mor mi, Marit, er frå nabobygda Kvikne. Ho har i ei årrekkje jobba som serveringsdame ved hotella i nærleiken av Skåbu. Dei siste 20 åra har ho dessutan vore tilsett ved Kongen si hytte, Prinsehytta i Sikkilsdalen.

Torstein heiter bror min, og han er "Reodor Felgen" i familien. Han og sonen Tomas driv med entreprenørvirke i Skåbu. Kona til Torstein heiter Laila og jobbar på trygdekontoret på Vinstra.

Syster mi heiter Anne May. Ho driv reingjeringsbyrå i Oslo, Maya's Rengjøringsbyrå. Ho har ein son som heiter Tom Roger. Han er seljar i IQ og bur på Vinstra.

Eg har også ein son. Han heiter Arne Olav og er 19 år gammal. Han bur i Sørskogbygda ved Elverum.

Sjølv heiter eg Ole Christian og er utdanna lærar. Samboaren min heiter Ingunn Vaet og ho har tre barn, Gunnar, Per og Maria. For tida jobbar ho i Ruste barnehage, medan eg har arbeidet mitt på Vinstra vidaregåande skule. Den store interessa mi er lokalhistorie. Hovudkjeldene har eg etter onkelen min, Torger T. Risdal. Han samla mykje stoff om denne bygda ved inngangen til Jotunheimen. Han døydde i 1988.