Historiske bilder

Foreninga vart stifta formelt i januar 1998, men ideen kom etter at nokre av oss vart kjent med det arbeidet som "Storfjordens Venner" har utført og utfører på ei rekkje "hyllegardar" i Storfjorden, Geiranger. Då Bjarte lufta ideen med Oddvar på ein samankomst på Ryfylke Turisthotell (i regi av Suldalsposten) var spira sådd. Kontakt og avtale med eigaren Karl Lalid vart inngått, og søknad om kulturmidler vart send Fylkesmannen våren 1997. I desember same år fekk me innvilga søknaden, og det var berre å setja i gong!

Vedasvåla i enden av huset vart gjenreist 2001/02.

I løpet av 8 år er det nedlagt ca. 3.000 dugnadstimar. Då er alle hus; våning, løa, brønnhus og naust istandsett, svåla og eldhuset er gjenreist, og det er bygd ny kai. All innmark er rydda, ca. 40 da, og kvart år beitar 10-12 stk. skotsk høglandsfe frå Sandnes innmarka, og held vegetasjonen under kontroll. Alle stiar frå sjø til hei er rydda og merka, og mykje meir.

Forutan frå Fylkesmannen i Rogaland (både Miljøvern- og Landbruksavdelinga) har me fått økonomisk støtte frå Suldal kommune og Aksjonen "Ta eit Tak". Me er blitt sponsa med gratis materialtransport med helikopter av Statkraft og Elkem Saudefaldene. Alle fortener stor takk!

Gjenreising av eldhusmuren.

Til saman har ca.45 personar vore med på 22 dugnadshelger. Aktiviteten nå er 1 - 2 dugnadshelger i året, samt arrangerte turar og visningar (Sjå under aktuell aktivitet). 

                                                                                                                                                         Selland
Nabogarden Selland ligg på andre sida av elva ca.400 m.o.h. Her er det ingen (ståande) hus att. I 2003 tok Lingvongs Venner på seg å finna den gamle vegen frå sjøen opp til garden og rydda den. Dette er utført, og i tillegg har me rydda stien frå garden ut til Skakabekken, retning Tengesdal.