LOVER FOR LEIKANGER JAKT OG FISKELAG
Endra årsmøte 2008

§ 1
Namnet på laget er Leikanger Jakt- og Fiskelag.
Laget har som føremål:
1. Å ta vare på medlemane sine interesser for jakt, fiske og anna friluftsliv. Laget skal arbeida for å sikra ei berekraftig hausting av vilt- og fiskeresursar.
2. Å arbeide for fremjing av gode jaktvanar og omsorgsfull ferdsel i skog og mark.
3. Å skapa ålmenn vyrdnad for jakt, fiske og friluftslovgjevning i landet.
4. Å arbeide for rett bruk av våpen og sportsfiskarreiskap.
(Endra ved årsmøtet 2008)

§ 2
Leikanger Jakt- og Fiskelag (LJFL) er tilknytt Norges Jeger- og Fiskerforbund (NJFF). Medlemmene har dei fordeler og plikter som til ei kvar tid gjeld for NJFF. Medlemskategoriar vert fastsett av forbundet. Felles medlemsavgift for LJFL og NJFF vert kravd inn av forbundet.
(Endra ved årsmøtet 2000.)

§ 3
Kvar medlem pliktar å ta imot val til dei oppgåver som han (ho) vert vald til i laget, NJFF sitt styre, representantskap eller landsmøte, men kan nekte å ta imot val for så lang tid som han (ho) har fungert.
Medlem som gjer seg skuldig i brot på jakt- og fiskelovgjevinga eller på annan måte skadar laget, kan suspenderast av styret for kortare eller lenger tid. Vedkomande medlem har rett til å leggja saka fram for årsmøtet som avgjer saka med 2/3 fleirtal.

§ 4
Dei leiande organa i laget er:
1.Ordinært årsmøte. 2.Ekstraordinært årsmøte. 3.Styret. 4.Jakt-, fiske-, leirduebane-, ungdoms- og hundeutval.
(Endra på årsmøtet 2006)

§ 5
Laget vert leia av eit styre på 10 medlemar, som saman med 1 varamann vert valde av årsmøtet for to år
om gongen med skriftleg val. Styret er samansett slik:
Leiar, nestleiar, sekretær, kasserar, kvinnekontakt, leiar i jaktutvalet, leiar i fiskeutvalet, leiar i leirduebaneutvalet,
leiar i ungdomsutvalet og leiar i hundeutvalet.
(Endra ved årsmøtet 2007)

§ 6
Det vert halde styremøte når leiaren kallar inn, eller når minst 3 styremedlemer krev det.
Styret kan ta avgjerd når minst 4 medlemer er til stades. For kvart møte vert det ført møtebok. Når det er likt tal røyster, skal leiaren si røyst vere avgjerande.

§ 7
Styret skal ivareta laget sine interesser, forvalta midlane og syta for at vedtektene vert haldne. Styret legg fram for årsmøtet framlegg om evt. æresmedlem eller anna form for påskjøning. Styret skal melda innrapportert ulovleg jakt og fiske når laget disponerer rettar.

§ 8
Ordinært årsmøte skal haldast innan 1.3. Det vert innkalla av styret i rimeleg tid. Det skal samtidig sendast ut sakliste. Sakene vert avgjorde ved vanleg fleirtal, når dei ikkje er av slik art at dei treng særbehandling. Røystinga kan vera muntleg, men om nokon ynskjer det, skal det vera skriftleg. Framlegg om vedtektsendring kan berre takast opp på ordinært årsmøte og krev minst 2/3 fleirtal av røystene. Det vert ført møtebok for årsmøtet.
Saker som skal takast opp på årsmøtet, bør vera innkomne seinast 3 veker før årsmøtet.
Det ordinære årsmøtet skal:
1. Gå gjennom og treffa avgjerd ut frå rapporten frå styret i arbeidsåret.
2. Gå gjennom rekneskap og ta avgjerd.
3. Ta opp til handsaming budsjettet og arbeidsprogrammet
4. Fastsetje laget sin del av medlemskontingenten. (Endra av årsmøtet 1998)
5. Ha tilsyn med at tidlegare vedtak er sette ut i livet i samsvar med føremålet.
6. Utnemna æresmedlem og liknande
7. Velja styre
8. Velja hundeutval, jaktutval ,fiskeutval, leirduebaneutval og ungdomsutval.
9. Velja to revisorar.
10. Velja valkomite med 3 medlemer.
11. Ta avgjerd i saker på saklista
12. Ta avgjerd i andre saker som årsmøtet vedtek å ta opp.
(Endra på årsmøtet 2001)

§ 9
Ekstraordinært årsmøte kan kallast inn om styret finn det ynskjeleg, eller når det vert kravt, skriftleg, av 1/3 av medlemmene.
Innkallinga er den same som til vanleg årsmøte.

§ 10
Jaktutvalet har fire medlemer. Leiaren har plass i styret. Medlemene vert valde av årsmøtet for 2 år om gongen. Jaktutvalet skal arbeide for å skaffe medlemane gode jakttilhøve. Ordne med jaktsti, arrangere jegerprøva osv. Sende styret rapport om arbeidsåret.(Endra av årsmøtet 2000)

§ 11
Fiskeutvalet har fire medlemer. Leiaren har plass i styret. Medlemene vert valde på årsmøtet for 2 år om gongen. Fiskeutvalet skal i samråd med styret arbeida for fremjing av fiskestellet og freista skapa gode fisketilhøve for medlemane. Ordna med instruksjon og konkurranse i bruken av fiskereiskap. Sende styret rapport om arbeidsåret.

§ 12
Leirduebaneutvalet har fire medlemer. Leiaren har plass i styret. Medlemane vert valde av årsmøtet for 2 år om gongen.
Leirduebaneutvalet skal arrangere jegertrap- leirduestistemner, drive med opplæring av hagleskyttarar osv.
Senda rapport til styret om arbeidsåret.
(Ny paragraf 2000)

§ 13
Ungdomsutvalet har fire medlemar. Leiaren har plass i styret. Medlemane vert valde av årsmøtet for 2 år om gongen.
Ungdomsutvalet skal fremja interessa for jakt, fiske og friluftsliv blant ungdom.
Senda rapport til styret om arbeidsåret.
(Ny paragraf 2000)

§ 14
Hundeutvalet har fire medlemar.Leiaren har plass i styret. Medlemane vert valde av årsmøte for 2 år om gongen.Hundeutvalet
skal arrangere sauereinheitskurs ved bruk av elektriskdressurhalsband, legge forholda til rette for trening og utdanning av godkjente ettersøkshundar osv. Sende rapport til styret om arbeidsåret.
(Ny paragraf 2001)

§15
Utvala tek endeleg avgjerd berre i samråd med styret.

§ 16
Medlemane har meldeplikt på bufe i utmark etter sanking.

§ 17
Laget sitt rekneskapsår skal følgja årsmøtet.

§ 18
For utmelding av NJFF krevst det 2/3 fleirtal ved skriftleg røysting.

§ 19
I tilfelle det ligg føre motivert framlegg om oppløysing av laget, må dette verta vedteke med 2/3 fleirtal på 2 ordinære årsmøter etter kvarandre.