Laurdag 26.juni 2004 klokka 07.00 starta 6 entusiastar ved Vereide skule. Målet for dagen var å vere innom alle 33 støylane rundt Gloppefjorden før midnatt, utan bruk av motorisert framkomstmiddel. 16 timar, 16 minutt og 16 sekund seinare kom 5 mann i mål på Eikenesstøylen etter å ha nådd målet sitt. Ein av deltakarane hadde med kamera og rakk å ta blide av samtlege med unntak av ein (Vambesetstøylen) som for så fort forbi at vedkomande fotograf ikkje registrerte at der var ein støyl.
Dette gav meirsmak, og 18.juni 2005 starta 5 mann på tilsvarande tur i Hyen. Denne gongen var det 17 støylar som blei tilbakelagt på 16 timar og 52 minutt.
Verket blei fullført med Støylar i Breim 17.juni 2006. Dette var den lengste turen og 33 støylar blei besøkt i løpet av 22 timar. På denne turen var det ca 4800 høgdemeter som blei forsert i fin stil. På dei to andre turane var det snakk om mellom 3 og 4000 høgdemeter.
