23.11.08
Flotte forhold på Kleivane
Vinteren er komen og det er no køyrt opp løype på Kleivane, rundt lysløypa. Fantastisk flotte forhold med nokre få minusgrader.

22.11.08
Startilistene for Birkebeinerarrangementa i 2009 er no lagde ut på nettet. Eidsfossen sykkel har 19 påmelde på rittet:

Startnr Navn Klubb Merker Deltatt
Klasse: K40, (Kvinner 40 - 44 år)
Rønningen, Kjersti Eidsfossen Sykkel 4 4

Klasse: K45, (Kvinner 45 - 49 år)
Larsen, Else Margrethe Eidsfossen Sykkel 1 3

Klasse: M18, (Menn 18-19 år)
Gaasø, Trygve Henden Eidsfossen Sykkel 3 3
Eide, Erlend Eidsfossen Sykkel 0

Klasse: M30, (Menn 30 - 34 år)
Gloppestad, Ole Marius Eidsfossen Sykkel 0

Klasse: M35, (Menn 35 - 39 år)
Fjellestad, Edvard Eidsfossen Sykkel 2 2

Klasse: M40, (Menn 40 - 44 år)
Lothe, Jørn Eidsfossen Sykkel 1 2
Hjelle, Rune Eidsfossen Sykkel 0 9

Klasse: M45, (Menn 45 - 49 år)
Henden, Olav Eidsfossen Sykkel 2 5
Rroska, Helge Eidsfossen Sykkel 0
Hammersland, Henry Eidsfossen Sykkel 4 6
Eide, Vidar Eidsfossen Sykkel 6 13
Eide, Kjetil Eidsfossen Sykkel 8 9
Mardal, Alan Eidsfossen Sykkel 0

Klasse: M50, (Menn 50 - 54 år)
Eide, Dag-Arne Eidsfossen Sykkel 8 8
Sundal, Øystein Eidsfossen Sykkel 0 2

Klasse: M55, (Menn 55 - 59 år)
Flølo, Jostein Eidsfossen Sykkel 0 1

I tillegg til desse 17 over kjem Arne Nesgård og Magne Moritsgård som ikkje har oppgitt klubbnamn ved påmeldinga. Allan sine assistentar og Helge har vel heller ikkje oppgitt birk id.nr ved påmelding i og med at dei står med 0 ritt. Det er vel også ein skrivefeil i begge namna? Alt dette kan lett rettast ved å sende ein mail til ritt@birkebeiner.no .
19 påmelde må tross alt vere bra utteljing i kaoset som råda ved påmeldinga. Likevel er det enno nokre på venteliste (f.eks Ragnhild Sollid og Arne Myklebust), so dersom det ryktest ledige startnummer er desse høgst interesserte. Det er vel også nokre til i kommunen eller omegn som også er interesserte i ledige startnummer. Utanom desse 19 er også Trond Hansen og Per Erik Eimhjellen påmelde, so det skal ikkje vere noko problem å fylle bussen i 2009 heller.

18.11.08
Bestilling av klær
Klubben har no mottatt tilbodsprisar på klær, vi må sende bestillinga innan jul for å få desse prisane. Gå inn her so kan de sjølve sjekke ut prisane. Prisane i høgre kolonne skal gangast med 1,25 for å få nettopris inkl.moms. Vi kan få tilsendt vareprøver for å prøve storleikar. Det fins også ein god del kle i klubben som de kan prøve, ta kontakt med Kjetil eller Vidar eller evt. andre for dette.

Litt info frå selgar som ein kan ta i betraktning før ein bestiller:
Som du ønsket så har jeg her laget et tilbud til deg basert på det dere kjøpte sist. Jeg ser at dere da kjøpte vår NoWind jakke i vinterutgaven. Den er litt tykkere enn vår/ høst utgaven. Samtidig er den 65 kr dyrere. Til opplysning er det vår/ høst utgaven vi selger mest av. Så kanskje det kan være et alternativ for dere også? Har der prøvd NoWind Spring jakken? Hvis ikke kan jeg sende en prøve over til deg. Begge jakkene er også i damesnitt som der kjøpte sist og prisen er den samme som herrevarianten så jeg har ikke satt den opp.
På shortser og andre bukser for herrer har dere før kjøpt ProPluss pad. Vi har også en som er vesentlig bedre synes jeg og den koster bare 15 kr ekstra. Da vil dere få en enda bedre opplevelse på sykkleturene.
Jeg har også gitt dere 15% rabatt på alle produktene. Dette for at dere er en lojal kunde hos oss.

14.11.08
Nytt portrett er lagt ut i intervjuserien.

13.11.08
Klubbkveld

Gårsdagens klubbkveld blei avhelden i ei lun atmosfære hos Kjetil, med fyr i omnen og pizza, brus, kaffi og kake på bordet. 10 personar møtte, og forsamlinga var innom ei rekkje tema. For dei som ikkje var med kjem her eit lite resymé av det som blei diskutert:

Info frå styret:
Det føreligg ei sponsoravtale med Sparebanken Sogn og Fjordane. Denne er imidlertid enno ikkje underskriven, men det er kun formalitetar som gjenstår. Denne går over 3 år og sikrar oss fast støtte til å arrangere Eidsfossen Grand Prix i avtaleperioden. Støtta er utvida i høve til det som har vore tidlegare.
Førespurnaden om å arrangere eit terrengsykkelritt med banken som hovudsponsor er lagd på is. Dette av fjeire grunnar: Det vil bli eit svært omfattande og krevjande arrangement som vi ikkje har kapasitet til å ta på oss. Vidare stiller ein seg tvilande til om det er mogeleg å få noko stort deltakarantal her i distriktet.
Kjetil har vore på trenarkurs og der diskutert samarbeid med andre klubbar i fylket. Vi har vårt Eidsfossen Grand Prix som vi vil invitere syklistar frå andre klubbar til. Det er å håpe å få til ein slags sykkelkarusell der kvar klubb f.eks arrangerer kvart sitt ritt. Førebels er det ikkje gjort noko vesentleg vidare med dette anna enn lausleg diskusjon.

Bestilling av sykkelklær:
Det er no muleg å få bestille seg sykkelklær. Det har kome inn uformell bestilling på i overkant av 10 overdelar og noko færre bukser. Det er førebels noko uvisst om ein vel å byte leverandør i og med at andre enn dei vi har brukt tidlegare er noko rimelegare. Men vi har no også fått 15% rabatt hos dei vi har handla med tidlegare. Då er vi garantert same gode kvalitet, fargar, service og leveringstid. Det bør bestillast minimum 20 overdelar og minimum 20 bukser for å få overkomeleg pris. Klubben har økonomi til å ha noko lager, men det som vi bli kjøpt inn til lager vil først og fremst då bli dei billegaste og lettast omsettelege plagga, dvs. korte trøyer og korte bukser. Ein tek også sikte på å kjøpe inn litt tøy i små storleikar for born. Dei som er intereserte, og som framleis ikkje har lagt inn bestilling, kan gjere det på mail til vidar.eide@enivest.net Oppgje type plagg, antal og storleik. Dette gjeld også dei som til no kun har gitt inn ei vag bestilling som ikkje er spesifisert. For oversikt over aktuelle plagg kan de gå inn på Kalaswear sine nettsider og studere. Der ligg også ein storleiksguide som bør sjekkast nøye. Merk at "spesialplagg" som vinterjakker, -bukser o.l. må bestillast no. Desse vil det bil innkjøpt minimalt eller ingenting til lager. Intern bestillingsfrist er 1.desember i det ein tek sikte på å sende bestilliga vidare før jul. Prisane aukar frå nyttår.

Spinning:
Det ser no ut til å bli arrangert eit kurs for spinninginstruktør før jul. Klubben satsar på å få med nokre på det, og håpar å starte opp med ein eigen spinningkveld etter nyttår. Dersom interessa er stor nok vil det også bli ein eigen damekveld.

Den store styrkeprøven:
Gruppa har hatt eitt møte og sett opp nokre planar/føresetnader for at det skal kunne gjennomførast. Diskusjonen gjekk på kva for opplegg ein skulle velje, og ein landa på å sikte seg inn på 20timar. Dette er føresetnadane som blir jobba vidare med, når ein går ut og spør kvar og ein som har racersykkel i kommunen om dei vil vere med. Eit lag på 15 stk bør stablast på beina til 1.februar.

Treningane
Noko kritikk gjekk på at treningane framleis var for harde i 2008. Dette gjaldt spesielt landevegsturane på søndagane, dette var ikkje alltid roleg langkøyring! Opplegget bør difor justerast litt og det bør spesifiserast på turoppsettet kva for type tur det er snakk om. Dei som øsnkjer å delta må vite kva dei går til, f.eks kort og rask tur eller lang og roleg. Dersom Styrkeprøven-deltaking let seg realisere, vert det spesifikke treningar fram mot dette. Ein legg då opp til lange rolege turar med start laurdag morgon frå tidleg på våren fram til jonsok. Pga. barnetreningane søndag ettermiddag er det mest praktisk å gå rett vidare frå desse til terrengsykkel for dei vaksne også. Ein vil freiste å få til litt meir teknisk trening i terrenget på desse turane i 2009. Det blir naturleg å legge opp til forholdsvis korte intensive turar på landevegssykkel onsdagar, i alle høve fram til Styrkeprøven er gjennomført. Med andre ord vil det første del av 2009-sesongen vere tre fellestreningar på sykkel pr. veke.

Anna:
Til våren vil ein forsøke å få til to temakveldar, ein med innstilling av sykkel og ein med mekking.

10.11.08
Minner om klubbkveld onsdag 12.november kl. 19 i Lyngvegen 39 (hos Kjetil)

Aktuelle tema:
- Litt info frå styret
- Status bestilling av sykkelkær
- Evaluering av treningane i 2008, diskusjon omkring evt. endringar i treningsopplegget
- Aktuelle konkurransar å delta på i 2009
- Den store styrkeprøven

Dette blir ein diskusjonskveld der alle som ønskjer garantert vil komme til orde. Servering av Pizza og brus. Alle frå klubben er velkomne!

09.11.08
The Viking Tour er eit etapperitt som vel bør vere verd å satse på eit år. I 2009 blir det vel forhåpentlegvis Styrkeprøven, men eit anna år kanskje? Uansett er det vel verdt å ta ein titt innom nettsidene. Ta ein kikk på dei ulike etappene, sjå løypeprofil og les berskivelse. Dette er tøffe saker...

06.11.08
Resultat for fjelltrimmen til STIL ligg no ute på deira heimesider. Fleire frå klubben markerer seg sterkt i øvste del av lista, særs imponerande av den soleklare vinnaren!

04.11.08
Nibberittet ser ut til å bli uoffisielt NM i motbakkeritt i 2009. Fleire frå klubben har vore på pallen her tidlegare. Kan det gå mot klubbens første NM-medalje på sykkel??? Set av datoen 13.juni 2009, klubbleiaren spanderer Champagne på dei frå Eidsfossen Sykkel som klarar karstykkjet å kome på pallen! Rittet går igjen på ein laurdag (helga før styrkeprøven), og alt ligg tilrette for ei flott familiehelg i Gerianger slik som i 2007.

29.10.08
Kjetil fullførte i vår trenar 1 kurs (sykkeltrening for born), og har no i oktober fullført trenar 2 kurs over to helgar (32 timar). Dette er eit trenarkurs med fokus på vidarekomne/eldre ungdom der det eine helga var fokus på landeveg og den andre terrengsykling. Kurset var lagt opp med ein større del praksis enn sist, særleg terrengdelen. Kursdeltakarane vart i større grad testa på å legge opp/leie treningar til det nemnde alderssteget. Tema: Trenarrolla(4t), Generell Sykkelteknikk-teori(1t), Teknikk i terreng(4t), Å være trenar i praksis(3t), Instruksjon(2t), Generell Sykkelteknikk-praksis(2t), Organisasjon, lover, reglar, antidoping og skadar(1t), Treningslære(2t), Treningsplanlegging(2t), Innstilling av sykkel(2t), Ernæring og Spiseforstyrrelser(2t), Tøye og beveglighetsøvingar(1t), Integrering av funksjonshemma(1t), Gruppeeksamen(2t), Presentasjon av besvarelse(1t).

24.10.08
Minner om påmelding Birkebeinerrittet 30.oktober kl 09.00. Det er kun 6500 plassar igjen, so det gjeld å vere rask! Ha Birk-id nr klart, det er muleg det går raskare då. Det kan ikkje garanterast at folk trekkjer seg (Allan er i trening igjen) eller at Sport1 tilbyr startnummer til oss denne gongen.

22.10.08
Nytt portrettintervju er lagt inn. Mykje interessant lesnad, også under dei vidare peikarane. Denne serien er ikkje forelda!

17.10.08
Litt Birken-mimring: Gå inn her og sjekk ut kven som dukkar opp på Videoen etter 3 min og 44 sek! Ein ung og sprek lokal syklist på veg mot mål i flott driv..Elles mange artige filmklipp frå birken på Yuotube.

14.10.08
Husk atpåmelding Birkebeinerarrangementa startar onsdag 15.oktober kl 09.00 for dei som har delteke på rittet 5 gongar eller meir, dei frå 17 til 24 år og dei som ønskjer å vere med på trippelen

12.10.08
Bestilling av sykkeltøy
Styret har på nytt vurdert behovet for å bestille nytt klubbtøy. Det er pr. i dag nokre få plagg i forholdsvis stor storleik tilgjenegeleg for kjøp. I noko mindre vaksenstorleikar og for barn/unge har klubben minimalt å tilby. Det kan også vere aktuelt å byte leverandør i og med at andre kan selje litt rimelegare og ein muligens kan bestille i lågare antal til ein fornuftig pris.

Dersom DU er interessert i å kjøpe klubbtøy so send ein uforpliktande mail til Vidar og gje signal om kva du ønskjer. Det er muleg å bestille alle typar trøyer/jakker og bukser i alle storleikar.

07.10.08
Klubbkveld
Det vil bli arrangert ein klubbkveld onsdag 12.november kl. 19 i Lyngvegen 39 (hos Kjetil)

Aktuelle tema:
- Litt info frå styret
- Status bestilling av sykkelkær
- Evaluering av treningane i 2008, diskusjon omkring evt. endringar i treningsopplegget
- Aktuelle konkurransar å delta på i 2009
- Den store styrkeprøven

Dette blir ein diskusjonskveld der alle som ønskjer garantert vil komme til orde. Servering av Pizza og brus. Alle frå klubben er velkomne!

06.10.08
Statistikk del 3:
Det har vore sett opp 39 fellestreningar/Klubbritt i 2008. Totalt har 35 ulike personar møtt opp på desse, totalt antal oppmøte på desse personane er 288, noko som gjev eit gjennomsnittleg oppmøte på 7,4. Oppmøtet var godt på vårparten og låg då over 10 pr. trening i gjennomsnitt, men fall naturleg nok betydeleg når ferietida sette inn. Noko auke igjen på seinsommaren. Alt i alt var oppmøtet (og kvaliteten?) på desse treningane langt betre enn tidlegare år. Flest deltakingar har Vidar Eide med 28 (71,8%), tett følgd av Helge Roska og Henry Hammersland med 26 (66,7%). Arne Myklebust glimra med sitt fråvær på våren, men var ivrigast av alle på siste del av sesongen og enda opp på 21.

Sjå oversikten her

03.10.08
Statistikk del 2:
Eidsfossen Sykkel sine medlemar har stått for totalt 41 ulike startar i motbakkeløp. Dette er fordelt på 13 personar og 11 løp. Flest deltakingar har Dag-Arne Eide og Trond Midtkandal med 5 kvar. Løpet som samla flest deltakarar var det lokale Svinestrandsløpet med 10. Nettredaktøren tek forbehold om at statistikken er rett, det er muleg nokre har vore med på andre løp som ikkje er nemnt her. Av andre konkurransar som medlemar har delteke i utanom sykkelritt og motbakkeløp kan nemnast Triatlon i Hyen med 5 mann på startstrek, og Duatlon på Hopland med ein mann

Sjå oversikten her

01.10.08
Her er nokre bilete frå Stoltzekleiven Opp som blei arrangert førre helg. Desse nettsidene er verd eit besøk, dei er veldig bra. Kanskje stiller fleire frå klubben her til neste år? Helge kan sikkert vere kjentmann og reiseleiar.

Sjå videoklipp her

30.09.08
Statistikk del 1:
Sjølv om sykkeltreningane foregår vidare utover hausten er vel no konkurransesesongen over, og det er tid for oppsummering:
Eidsfossen Sykkel sine medlemar har i 2008 stått for totalt 48 startar i sykkelritt. Dette er fordelt på 23 personar og 10 ritt. Det er 2 reine landevegsritt, 7 terrengritt og det noko spesielle motbakkerittet Nibberittet i Geiranger. Flest startar har Vidar Eide med 6, deretter Helge Roska med 4. Birkebeinerrittet var den konkurransen som naturleg nok hadde høgst deltaking med 17, deretter følgjer Jølster Rundt og Nibberittet med 8.
Sjå deltakaroversikten her

28.09.08
Kjetil deltok i dag i Kleiva Opp på Hopland. 6 km sykling i kraftige motbakkar og ein kilometer springing til mål på 600 moh. Det var dessverre lita deltaking i sykkelklassa, kun to stk på startstrek. Ein mann på racer reiste fort i frå, so Kjetil blei nummer to. Eidsfossen-syklistane som er kjende for å vere sterke i motbakkar var sakna av arrangøren og dei andre deltakarane.

27.09.08
Nordstrandsløpet blei avvikla i dag med fleire frå klubben på startstrek. Trygve Henden Gaasø blei suveren totalvinnar, han var utan reell konkurranse. Etter ein hard kamp om tredjeplassen totalt måtte Henry strekke våpen mot Kolseten og Navelsaker frå Jølster. Han blei då nummer to i si klasse. Vinnar av si klasse blei derimot Arne Nesgård som stilte sporty opp innimellom malingsøktene.

Totalvinnar Trygve og klassevinnar Arne

Fleire bilete er å finne i arkivet

Sterk innsats av Helge i Stolzen!
Helge Roska låg lenge på pallplass i klasse 90+ i Stolzekleiven opp! Han ser ut til å ha enda på 6.plass i klassa av over 50 deltakarar. Flott innsats! Helge var sjølv svært godt nøgd med løpet. Resultatliste her

27.09.08
Infromasjon om påmelding til Birkebeinerarrangementa:
Neste års arrangementsdatoer er:
Birkebeinerrennet 21. mars
FredagsBirken 28. august
Birkebeinerrittet lørdag 29. august
Birkebeinerløpet lørdag 19. september

Vi åpner for påmelding onsdag 15. oktober kl. 09.00 for følgende grupper:
Birkebeinertrippelen - kvote 2500 deltakere
Birkebeinerrittet – deltatt mer enn 5 ganger
Birkebeinerrittet – de som har fått garantert plass fra årets FredagsBirken
Birkebeinerrittet – kvote på 500 for de yngste (mellom 17-24 år)
Birkebeinerrittet – kvote på 500 for utlendinger (utenlandske statsborgere bosatt i utlandet)
Birkebeinerrennet – alle deltakere
FredagsBirken – alle deltakere

Vi åpner for ordinær påmelding til Birkebeinerrittet torsdag 30.oktober kl. 09.00

21.09.08
Birkebeinerløpet er avivkla med 4 mann frå klubben på startstrek. Det gjekk omtrent som forventa, 3 klarte merket og 2 av dei blei superbirkebeiner. Dette var første gong både for Edvard Fjellestad og Jørn Lothe at alle merka var sikra i same kalendarår, so no er eit stort mål nådd for desse karane. Svært sterkt løp også av Olav Fuglestrand som blei nummer 32 av 383 deltakarar i klasse 45-49 år på tida 1,42,46. Edvard var likevel dagens mann, med den sterke tida 1,36,46 blei han nummer 17 av 471 deltakarar i si klasse. Jørn fekk tida 1,45,54 og blei med dermed nummer 58 av 532 deltakarar. I same klasse kom Vidar Eide inn på tida 2,07,54 og blei med det nummer 310.

Ein stolt superbirkebeiner etter å ha gjennomført sin tredje sterke konkurranse To tøffe karar klare for start

Fleire bilete frå Birkebeinerløpet her

17.09.08
Sjølv om det er lite med sykkelritt på denne kant av landet på denne tid av året, er det enno eit par motbakkeløp i overkomeleg avstand. Hovlandstøylen opp går av stabelen søndag 21.september. Her var Trygve totalvinnar i fjor, kanskje Erlend kan vere med å kjempe om sigeren også her? Stoltzekleiven Opp går i Bergen 27.september. Her er vel Helge ein av dei fremste i klasse 90+? Her kan ein gå inn på startlista og sjekke enkeltdeltakar si utvikling gjennom åra, sjå eksempel her.

11.09.08
No er rekninga frå Firda billag motteken, og klubben forventar å få innbetaling frå deltakarane med bussen til Birkebeinerrittet snarast råd
Pris pr. pers: 875,-, Øystein Røneid ein veg kr. 440,-. Dette skal betalast til kontonr. 3705.07.87428

05.09.08
Medan diskusjonen omkring resultatet på fellesstarten går vidare, er det framleis ikkje komen inn noko offisiell protest. Dermed blir dei publiserte resultata gjeldande. Om Jørn hadde blitt tilkjend sigeren i fellesstarten ville han ha klatra ein plass i samandraget og enda på tredje. No er det imidlertid ingen premiering for denne plassen i år, og det kan no vere godt å ha noko å strekkje seg etter neste år også. Ei lita påskjøning vil det imidlertid bli til den suverene vinnaren.
Her er den detaljerte oversikten over resultata.

04.09.08
Her er årets (og tidlegare års) Birkebeinerstatistikk. Det er berre å studere i ro og mak, og finne ut kor ein skal setje inn støtet i høve til klubbkameratane til neste år.

03.09.08
Fellesstarten vart i dag avvikla med 9 mann på startstrek, hyggjeleg med ein ny mann: Jon Myklebust frå Byrkjelo.
Førehandsfavoritten Trygve mangla, so det låg an til eit jamt og spennande oppgjer. So skulle det også bli.
Eit enormt rykk frå start av Arne Nesgård gjorde at ein mann fall av tidleg, og fleire var nære på heilt til å begynne med. Det blei køyrt jamt hardt store delar av løypa, og neste kolossale rykk kom ved Rema 1000. Her var det Edvart som sette inn støtet og Arne tok over etterpå. Arne Myklebust som nett hadde vore framme å drege blei hardt og brutalt hekta av, men han køyrde seg meisterleg oppigjen til feltet i Bukta. Helge prøvde på neste rykk like før bakkane, men blei innhenta straks stigningane tok til. Her sprakk feltet opp, og sigeren stod no mellom 4 mann; Arne N, Jørn, Ole-Marius og Edvard. Nye støt oppover Djupegota/Eide gjorde at to mann kom saman opp på Kleivedamsflata mot innspurten, og her skjedde dramatikken: Arne hadde full kontroll og sigeren i lomma i det to bilar kom og nærmast pressa han av vegen like før målstreken. Dette gjorde at han måtte bremse ned og Jørn smatt forbi og var først over mål. Ein jury beståande av Dag-Arne m.fl bestemde i ettertid at Arne skulle tilkjennast sigeren, og han fekk eit par sekund betre tid enn han faktisk hadde over mål.

Her er resultata:
1. Arne Nesgård 57,56
2. Jørn Lothe 57, 57
3. Ole Marius Gloppestad 58,26

4. Edvard Fjellestad 58,44
5. Henry Hammersland 60,12
6. Helge Roska 60,31
7. Arne Mykelbust 60,38
8. Vidar Eide 61,50
9. Jon Myklebust 72,10

Fleire bilete i arkivet

Sluttstillinga i konkurransen

Årets Klubbmeister 2008:

3 konkurransar:
9. Arne Myklebust 27
10. Olav Henden 28

2 konkurransar:
11. Dag-Arne Eide 15
12. Øystein Sundal 23

1 konkurranse:
13. Trond Midtkandal 2
14. Erlend Eide og Ole Marius Gloppestad 3
16. Svein Petter Tveit og Jon Myklebust 9
18. Magne Moritsgård 13
19. Øystein Røneid 14
20. Jostein Flølo 15

Damer:
2 konkurransar:
1. Ragnild Sollid 2

1 konkurranse:
Kjersti Rønningen 2

02.09.08
Siste nytt sidene har vore ute av drift ei tid pga. dataproblem, men no har stoda stabilisert seg takka vere uvurderleg hjelp av Svein Petter Tveit.

Resultata frå Birkebeinerrittet er vel etterkvart gamalt nytt, men her kjem likevel ei lita oppsummering:
Dette var utan tvil tidenes beste Birkebeinerritt av Glopparane!
- Ny deltakarrekord med 21 stk frå distriktet, herav 17 medlemar av den lokale sykkelklubben (dei 4 øvrige bør kjenne si besøkstid og melde seg inn)
- 7 debutantar som alle sykla godt utifrå forutsetningar og startposisjonar
- Alle 14 som tidlegare hadde delteke sette nye solide personlege rekordar
- 11 mann under 3.30
- 13 merke, berre ein av dei som hadde delteke tidlegare klarte ikkje det.

Årets namn blei Ragnhild Sollid etter ein knallsterk pers på 4,03,03 Ho fekk 6 stemmer i avstemninga på bussen oppigjen
Vidare rekkjefølgje:
Trygve Henden Gaasø 4
Arne Myklebust 3
Arne Nesgård 2
Jostein Flølo 2
Henry Hammersland 1
Johan Winkelhorst 1

Overlegen vinnar av tippekonkurransen blei Magne Moristgård som dermed blei 400 kroner rikare. Han hadde imponerande 13 stk av dei lokale deltkarane på rett innbyrdes plassering og alle merke/ikkje merke rett!

Ingen klarte å overliste trøyevinnarane frå ifjor, so det blei Trygve, Arne og Kjetil som stakk av med dei høgthangande premiane

Fleire bilete i arkiv 1 og arkiv 2

25.08.08
Minner om at premie-trøyene frå ifjor skal innleverast reine og tørre på bussen nedover. Om nokon av vinnarane frå ifjor (Trygve, Arne, Kjetil) føler seg sikre på å vinne i år også, so skal dei likevel levere inn trøyene for ny utdeling/sermoni på Lillehammer. Det er planar om å låne seierspallen innimellom premieutdelingane for å få til eit lite show.

24.08.08
Nokre praktiske opplysningar omkring reise til Birkebeinerrittet:
Bussen vert stilt tigjengeleg frå klokka 09.15, og oppmøte vert frå dette klokkeslettet.
Vi har tilsvarande buss som dei siste åra, med stort lasterom bak.
Innlasting frå 09.15 og utover. Bussavgang kl 10.00 PRESIS, og gjerne før dersom alt utstyr og alle personar er ombord tidlegare.
Bussen går til Rena med middagsstopp undervegs.
Startnummerhenting på Rena fredag kveld.
Når det gjeld overnatting so satsar vi på telt omkring bussen som tidlegare år. Ta med telt, liggeunderlag og sovepose.
Dei som er påmelde for sport1 har fått mail om betaling av startkontigent. Eingangslisens kan løysast på Rena for dei som ikkje har gjort det.
Bussreisa blir betalt i etterkant ved å setje pengar inn på sykkelklubben sin konto. Tidlegare har rekninga for bussen vore 16-17000 kroner, dvs om vi er bortimot 20 stk vil prisen pr. pers bli litt under 1000. Dersom nokon av ein eller annan grunn ikkje skal vere med må dei melde frå om dette på førehand, slik at ein ikkje sit å ventar på nokon som ikkje kjem. Det er rekna med at alle frå Gloppen + ein frå Utvik (dei 20 namna lengre ned på sida) skal vere med bussen, då unnateke Øysten Sundal som køyrer sjølv.

For dei som vil gruble litt på konkurransen fram mot avreisedagen er her skjema med reglar.

Lykke til!

17.08.08
Ny deltakarrekord i Eidsfossen Grand Prix
Vergudane var på arrangørane si side igjen i år, og vi fekk ein fin dag på Eide. Oppmøtet var flott, og det blei sett ny deltakarrekord med 139 startande.
Av desse stilde 30 i konkurranseklassene, og heile 109 i Konglerike/familieklasse utan tidtaking. Vinnarar av dei ulike klassene blei:
Jenter 10-12 år Ragnhild Vereide
Jenter 13-15 år Mari Sollid Eide
Gutar 10-12 år: Mats Sollid Eide
Gutar 13-15 år: Evald Osnes Devik
Damer Senior: Ragnhild Sollid
Herrar Veteran: Arne Mykelbust
Herrar Superveteran: Gunnar Nygjerd
Herrar Senior: Trygve Henden Gåsø

Vinnar av sykkel frå Olav K. Henden blei Maria Lothe. Sparebanken Sogn Og fjordane hadde mange flotte sekkar og T-skjorter til utterkkspremiar for dei minste.

Resultatliste her

Bileta viser Evald Osnes Devik (vinnar av eldste guteklasse), Ragnhild Vereide (vinnar av yngste jenteklasse), Trygve Henden Gaasø (vinnar av senior herrar) og Maria Lothe som til slutt blei den heldige vinnar av ny sykkel.

Klubben vil rette ei takk til sponsorane som støttar dette sykkelrittet kvart år, Olav K. Henden, Sparebanken Sogn og Fjordane og DiplomIS

Fleire bilete frå arrangementett her og i Erlend sitt offentlege galleri

16.08.08
Sterk innsats i Adidas Skåla 1848 m Opp
Først og fremst imponerande av Trond Midtkandal som sikra seg andreplassen i si klasse på den sterke tida 1,26,16, kun slegen av motbakkekongen Jon Tvedt! Han måtte dermed utsetje returreisa og møte på premieutdeling på Hotel Alexandra kl 18.48.
Fleire andre frå klubben var også inne mellom dei 10 fremste i sine klasser, Jørn Lothe nr.6 på 1,36,32, Henry Hammersland nr.9 på 1,37,01 og Dag-Arne Eide nr 10 på 1,42,13.

Fullstendig resultatliste her

Fleire bilete her

13.08.08
Starttidene på Birkebeinerrittet er no stort sett klare, bortsett frå Jørn si tid som alle ventar i spenning på etter den sterke prestasjonen i Bergen.
Listene er pr. i dag som følgjer for dei lokale deltkarane:

07:05 Arne Nesgård
07:10 Kjetil Eide
07:15 Trygve Henden Gaasø
07:25 Dag-Arne Eide
Jørn Lothe
07:35 Vidar Eide
07:40 Edvard Fjellestad
07:45 Henry Hammersland
07:55 Helge Roska
08:00 Olav Henden
09:20 Arne Myklebust
09:50 Kjersti Rønningen
09:55 Øystein Sundal
10:45 Ragnhild Sollid
12:35 Geir Søreide
12:35 Øystein Røneid
12:35 Magne Moritsgård
12:35 Trond Hansen
12:35 Johan Winkelhorst
12:35 Jostein Flølo
13:05 Per Erik Eimhjellen

Som alle kan sjå er her 21 personar på lista, men Øystein køyrer sjølv, og då blir det akkurat 20 i bussen og alle sitjepalssane dermed fylt.

Tippekonkurransen på turen nedover vil i år bli noko omlagd. Dette har fleire årsaker. Vi er i år gledeleg nok svært mange deltkarar og av desse mange debutantar. Dette medfører at tippinga blir meir bingoprega, og ikkje minst at utrekninga blir langdryg. Det vil i år difor bli tippa rekkjefølgja på desse 21 deltakarane, og ikkje tidene. Då vi rett plassering gje ein viss poengsum, og lågare poeng etterkvart som ein kjem lengre frå det rette. Vidare skal det tippast på trøyevinnarar, dvs. kven som får best sluttid, kven er raskast Kvarstad-Storåsen og kven er raskast Storåsen-Mål. Ein mann kan kun vinne ei trøye, og difor skal tre ulike namn på blokka. Nytt av året blir å tippe kven som klarar merke. Her blir det også poeng for rett svar. Meir informasjon om dette blir det sjølvsagt på den lange bussturen nedover til Rena.

Til fjorårets trøyevinnarar: Husk at trøyene må medbringast nyvaska, det kan fort være at de må gje dei frå dykk...

10.08.08
Kjempesterk andreplass til Jørn Lothe (bilete t.v.) på Klosterrittet i Bergen! Dette er vel ein av dei fremste prestasjonane som er gjort av Eidsfossen sine sykkelryttarar denne sesongen. Det skal bli spennande å sjå kor langt fram han seedar seg på dette, no er han vel på starstrek heilt der framme med veteranane på Birken, og er nok truandes til å slå fleire av dei også! Les Jørn sin eigen rapport frå rittet her
Resultat her
Bilete frå rittet her

Samstundes med Jørn sin sterke prestasjon i Bergen føregjekk det eit motbakkeløp i indre Sogn der Trond Midtkandal deltok. Han gjorde ein kjempeprestasjon under Fanaråken Opp og blei der nummer 3, berre 13 minutt bak suverene Jon Tvedt. Tida til Trond var 1,10, noko som er 8 minutt betre enn medaljevinnar frå NM, Dag-Arne, og Kjetil sine tider i 2007. So dette var ein solid klubbrekord! Denne mannen vil nok hevde seg svært høgt i si klasse i Skåla Opp neste helg. Edvard Fjellestad blei nummer 5 i si klasse, i underkant av 5 min. bak Trond. Resultat her

Dette skulle vel passe mange i klubben, men datoen er vel ikkje heilt den rette for oss. Eller er det likevel nokon som tek denne utfordringa på strak arm dagen etter Birken??

Her er noko for dei som ikkje har tenkt å delta på Birken, f.eks dei sterke motbakkeløparane Trond Midtkandal og Olav Fuglestrand.

08.08.08
Nettredaktøren har litt problem med å få med seg alt klubben sine medlemar føretek seg no i denne hektiske konkurransesesongen. Men etter å ha studert resultalistene frå motbakkeløpet Saudehornet Opp i Ørsta, framgår det at der deltok Olav Fuglestrand. Han gjorde ein framifrå innsats og tilbakela dei 1303 høgdemeterane på 1time 10min, og blei med det nummer 5 i klasse 45-49 år. Resultat her

Her kjem nokre flotte bilete frå Eggenipa Opp 2008, staute karar dette! Fotograf er Ragnhild Sollid

03.08.08
Rapport frå Grenserittet:
Etter ein lang periode med tørt varmt ver, kom regnet dessverre eit par timar før start på årets Grenseritt. Dette medførte blautare løyper enn forventa, spesielt for dei seint strartande. Klubben hadde 4 deltakarar på startstrek, og alle desse starta forholdsvis tidleg. Kjetil og Vidar var først ut i pulje 2, kl 09.10. Allan var eigentleg sett opp i pulje 4, men vekte stor oppsikt mellom arrangørene då han ville seede seg bakover til pulje 6 og starte samstundes med Kjersti. Dette var tydlegvis ikkje so mange som hadde gjort før. Han ville med dette ofre seg for kona og vere hjelperyttar for henne som vanlegvis er ein "slow starter".
Dei to først startande frå klubben gjorde sine saker framifrå i det begge persa klart. Kjetil kom inn på 2,47, 5 min framfor bestetida frå i fjor. Dette til tross for at han ikkje har vore i toppslag i det siste. Vidar sykla utan computer og pulsklokke og hadde ikkje noko formeining om tida i det målstreken blei passert, men lystavla viste 3.00.55, noko som er 10 min betre enn tidlegare bestenotering frå 2002. Godt nøgd, men i ettertid likevel litt irritert over å ha blitt fråsykla av Brit Pettersen Tofte med over eitt minutt på siste kilometeren.
Begge desse karane frå Eidsfossen Sykkel blei premierte med flott Hardangerbestikk, dei blei nummer 60 og 190 av 820 deltakarar i klasse M40-44.
Premie blei det også på Kjersti som til tross for nokså beskjeden drahjelp frå hjelperyttaren kom inn på den sterke tida 3,28 som gav 29.plass av 162 deltakarar i K40-44.
Allan hadde som mål 4 timar, og om han klarte 3,30 skulle han starte på Birken. Målet klarte han med glans sjølv om rykta vil ha det til at han har sykla berre 9 mil i år, men Birkebeinerritt blir det ikkje. Tida blei 3,47.
Den utflytta glopparen Kjell Sandal gjorde også sine saker bra, og kom inn på tida 3,14. Han uttalte i ettertid at dette rittet var langt mindre anstrengande enn å vere med på fellestrening med Eidsfossen Sykkel til Myklandsstøylen, noko også pulsklokka bekrefta.

Fredag vart det arrangert eit ritt for dei yngre (12-16 år), Nissan MTB Junior Marathon med start og mål ved Fredriksten festning i Halden. løypene var på 13 og 15 km i eit variert og kupert terreng omkring festninga.
Her var klubben representert ved Mari Sollid Eide som bortimot den einaste i startfeltet stilde utan sykkelsko og med ein heller rimeleg sykkel. Her var det høgt nivå på utstyret og førebuingane! Ho sykla likevel sterkt og blei nummer 9 av 22 stk i klassen 12-14 år, og nummer 5 av 9 av 13-åringane. Flott innsats!

Grenserittet sine sider er i i skrivande stund ute av drift, men resultat kan søkast her
Dette er eit flott ritt med svært variert løype, som kan anbefalst på det sterkaste! Arrangemnetet kan godt kombinerast med ein ferietur og strandliv i Østfold eller på svenskekysten. Prøv dette neste år! Fleire bilete i arkivet

Flott innsats av klubben sine medlemar i Eggenipa Opp førre helg. Spesielt bør yngstemann Erlend Eide framhevast. Han var bestemann frå Eidsfossen Sykkel og einaste under timen. Meir info og resultat på diskusjonssidene.
Bilete her

24.07.08
Vi går no inn mot mange spennande konkurransehelgar. No først er det Eggenipa Opp der fleire frå klubben stiller på startstrek. 2.august er det Grenserittet der Kjetil Eide, Allan Mardal, Kjersti Rønningen og Vidar Eide stiller til start. Mari Sollid Eide syklar junior-rittet i halden dagen før.
Helga etter kan ein velge mellom, Fanaråken duatlon, Fanaråken Opp, Klosterritttet og Skarverittet.
16.august SKåla Opp, 17.august Eidsfossen Grand Prix

20.07.08
Triatlon i Hyen
Eidsfossen Sykkel markerte seg under laurdagens Triatlonkonkurranse under friluftshelga i Hyen. Med mykje publikum og stor stemning er dette ein flott konkurranse kvart år, so også denne gongen. Trygve Henden Gaasø fekk hard konkurranse frå eit sterkt stafettlag, der 3 mann tok kvar si etappe. Men til slutt var det Trygve som trekte det lengste strået og kom først i mål av alle. Han blei dermed vinnar av juniorklassa. I seniorklassa kjempa Jørn Lothe og Kjetil Eide etterkvart langt framme, etter ei heller svak symejetappe. Dette viste seg å bli ein tøff og jamn duell der desse karane fleire gongar ute i løypa bytte på å vere fremst. Til slutt gjekk Jørn sigrande ut av denne duellen og blei nummer 2, like framfor Kjetil (bilete under til høgre). Lengre nede på lista var det ein annan duell mellom Arne Myklebust og Vidar Eide, der førstnemnde til slutt gjekk av med sigeren.

Bilete tv. viser Eidsfossen-karane på veg opp av vatnet, først Arne Myklebust, deretter Kjetil Eide, Vidar Eide og Jørn Lothe

Fleire bilete her

Resultat her

13.07.08
Sterk innsats av Trygve Henden Gåsø og Jørn Lothe på Vetenløpet 12.juli, klassesiger til førstnemnde og tredjeplass til Jørn.

05.07.08
Det var ein viss aktivitet førre helg, mellom anna deltok Vidar Eide i det 45 km lange Vestmarkrittet i Asker i ei tøff løype med mange krevjande terrengparti. Han enda som nr 78 i si klasse av 156 deltakarar, med andre ord nøyaktig midt på lista.

Fleire bilete her og her

4 mann frå klubben deltok i Storehesten Opp , der dei representerte 3 ulike klubbar. Trygve Henden Gåsø fekk bestetid med 1,19,40 (nr.5 i si klasse), Edvard Fjellestad 1,26,58 (6), Trond Midtkandal 1,27,55 (6) og Henry Hammersland 1,33,05 (14).